Кыргызстандын волейбол боюнча улуттук курама командасынын капитаны Оңолбек Каныбек уулу Монголия чемпионатынын коло медалын жеңип алды. 2024-2025 сезонунда кыргызстандык спортчу Улан-Батор шаарындагы SG Hawks клубунун катарында ойногон. Регулярдык чемпионатта Каныбек уулу ойногон команда 2-орунду ээлеп, жарым финалга чыккан. Жарым финалда SG Hawks күтүүсүздөн үч оюнда утулуп, жалпы 3-орун жана коло медал үчүн күрөшүн уланткан. Кыргызстандык спортчунун командасы Natur Bucks клубу менен беттешип, эки оюнда тең жеңишке жетип, коло медалды камсыз кылган. Өткөн сезон ичинде Оңолбек Каныбек уулу 7 жолу оюндун мыкты оюнчусу деп табылган.
This content is created by the open source Your Priorities citizen engagement platform designed by the non profit Citizens Foundation