Күн сайын жөө басуу – жүрөк-кан тамыр ооруларын алдын алуунун эң жөнөкөй жана натыйжалуу жолу. Жөө басуу инфаркт жана артериялык гипертония сыяктуу жүрөк-кан тамыр ооруларынын алдын алат. Адистердин пикири боюнча жөө басуунун пайдасы: ►Жүрөк булчуңдарын чыңдайт. ►Артериялык кан басымын төмөндөтөт. ►Салмакты бир калыпта кармайт. ►Маанайды көтөрөт. Бир күндө ким канча кадам басат? Кыймылы аз адамдар: Күнүнө жок дегенде 2-3 миң кадам басышат Орточо активдүүлөр: Күнүнө 5-7 миң кадам; Активдүү адамдар: Күнүнө 10-12 миң кадам. СУНУШ ЖАНА КЕҢЕШ Күнүнө 10 миң кадам басууну адатка айлантуу – 1,5-2 саат жөө басууга барабар. Аны ишке ашырууга убактыңыз тартыш болсо, төмөнкү учурларды пайдаланыңыз: ►Үйдөн жумушка же жумуштан үйгө кайтканда жөө басыңыз. Эгер жумушуңуз алыс жайгашкан босло 1 же 2 аялдама жетпей түшүп, калган жолду жөө басыңыз. ►Лифтинин ордуна тепкичти колдонуңуз ►Жакын жерлерге унаасыз барыңыз Жөө басууну акырындык менен көбөйтүү сунушталат: Башында 2-3 миң кадамдан баштап, күнүнө 500 кадамдан кошуу керек. Карылар үчүн 3-5 миң кадам жетиштүү. Бирок бул адатка киришүүдөн мурда өзгөчө өнөкөт оорусу бар адамдар дарыгер менен кеңешип алуусу зарыл. ЖӨӨ БАСУУНУ КҮНҮМДҮК ЖАШООҢУЗГА КИРГИЗИП, ДЕН СООЛУГУҢУЗДУ ЧЫҢДООНУ БАШТАҢЫЗ!
This content is created by the open source Your Priorities citizen engagement platform designed by the non profit Citizens Foundation